مثبــت: رمضان على الابوابــ .. عرفتوا هنعمل ايــه ؟؟

--------------------------------------------------------------------------------




السلام عليكم ورحمة الله وبركـــــاتـــه ...


عاملين ايــه ..

طبعا كلنا عارفين ان رمضان خلاص .. فاضل 20 يوم عليه وأقل ..

حد فكر هيعمل ايــه فيه وازاى هيرضى ربــه ؟؟
اجابة متوقعة ..


طيب خلاص معايا الحـــل ..

احنا لازم نتفق اتفاق رجالة ..

عاوزين نرضى ربنا .. نعبده حق عبادة .. كفايانا بقى عصيان له .. وتمادى فى الغلــــط ..

وعاوز اوضح معلومة صغيرة ..
رمضان لا يتجزأ يعنى مينفعش حد يدنه صايم طول النهار . صايم عن كلــه
وبعد المغرب .. كش ... بنات وحشيش وبانجو والكلام دا .. عيب يا رجالة احنا مش صغيرين عشان نعمل كدا المفروض ان احنا ناس عاقلة وفاهمة دينا كويس ..

أولا دا نظام سمعته فى حلقة من حلقات عمرو خالد فى سنة من السنيين . بس عجبنى اوى اوى اوى ..


1/ الالتزام بالصلاة (فى مواعيدها مش قبل الاذان التانى ب خمس دقايق .. " ان الصلاة كانت على المؤمنين كتاباً موقوتاً " ... وكمان ياريت فى الجامـــع )

2/ التصدق يومياً من مالك .. ( لو ربع جنيه يا أخــي .. وشوف قد ايه الثواب جايلك ..)

3/صلاة التراويح .. ( كلنا لازم نصلى التراويح يا جماعــــة .. عشان ربنا يفتح صدرنا ويسهلها لينا ..) وطبعا انا شايف ان فى اعضاء كتير من بلد واحد يعنى انا فى بلدنا انا ومحمد (رونالدينهو ) وعمرو لافرز .. ممكن نتقابل فى جامع واحد ونصلى سوا .. وناس لا حصر لها من ديدي ستار .. يعنى زي الشطار كدا تتقابلوا على المحطة وتروحوا تصلوا

4/ الدعاء يوميـــاً لوالديك مع طاعتهم فيما لا يغضب الله ..وان يشرح الله لك صدرك ..( وادعو ربنا انه يستجيب لدعائك )

5/ صلاة الفجر فى المسجــد .. (انت تصلى الفجر ولو امكن تقعد ساعة من الفجر للشروق بتتحسبلك حج وعمرة .. وربنا يتقبل منا جميعاً اللهم امين )..
======================================
كلمــة اخيرة عايز اوضحها..
فى ساعات ناس بتكون عندها مرض او مش هتقدر لظروف خاصة ..( الظروف الشديدة الأوى ) ..

الاسلام دين يسر ومش عسر ..(يسروا ولا تعسروا )..
يعنى انا مثلا نظراً لظروف مرضى الهباب ممكن مقدرش اكمل صيـــام لو جوعت .. انا لو كملته عند ممكن بعد مأفطر اتنقل عناية مركزة فى انعاش فى السخان كدا .. ظروف مرضى بقى ..( ربنا يسفينى ويشفى جميع المسلمين .. اللهم اميــن ) .



ثانى حاجة احنا ممكن نعمل كل دا فى رمضان ونلتزم ومولانا والشيخ سجادة والكلام دا والعيد يجى وكل دا يتنسى .. ..
لافكك .. (اعرف ربنا وقت اللين يعرفك وقت الشدة ). وانا مش عامل الموضوع دا عشان رمضان بس
المفروض نلتزم بطاعة ربنا على مدار الساعة .. نزكر ربنا لو دقيقة ساعـــة .. ربنا دا كريم اوى ورحيم اوى ... وانا عارف ان فى ناس ليها بلاوى متلتلة .. ربنا غفووووووور .. وياريت نتلزم بالكلام دا على مدار السنة ..

وياريت نمتنع عن الاغانى والتلفزيون .. وانشاء الله نكلم الادارة انها تغلق منتدى الاغانى .. دا موضوع رمضان .. لو فى اى اضافات او تعليقات .. يا ريت نقولها.. وميرسى على حسن قرايتكم واهتمامكم ..